Wenke hoe om beste kleuterskool te kies

June 20, 2024 51

Wenke hoe om beste kleuterskool te kies

─── CHARNÉ VAN DER MERWE 12:32 Wed, 19 Jun 2024

Ouers of voogde moet ’n lys vrae en verwagtinge wat jy in jou kind se kleuterskool wil sien hê.

Om jou kind in iemand anders se sorg te laat is ’n skrikwekkende gedagte. Bewaarskole spring op soos paddastoele, maar hoe weet jy watter een die beste vir jou kind sal wees?

Dr. Chantelle van der Bijl, ook bekend as Bloem MomDoc, sê ouers of voogde moet ’n lys vrae opstel oor wat hulle van die kleuterskool verwag. “Rangskik dan die aspekte in drie verskillende kategorieë: baie belangrik, belangrik en onbelangrik.”

Sy gee ook raad oor van die belangrikste aspekte waarna daar gekyk moet word by kleuterskole: Die bostelegraaf is ’n uitstekende begin. Vra jou vriende en kollegas of hulle weet van goeie skole of in watter skole hul kinders is.

As jy ouer kinders het, vra hul vriende se ouers wat kleiner kinders het. Google is jou vriend, en plaaslike sosialemediabladsye en -groepe kan ook help. Skooladministrasie is ’n belangrike aspek. Geregistreerde instellings vir vroeëkinderontwikkeling of persone wat na meer as ses kinders omsien moet by die provinsiale regering geregistreer wees.

Dit is ook belangrik dat alle personeel basiese opleiding in noodhulp het, asook opleiding in vroeë kinderontwikkeling. “Hulle moet ook jaarlikse polisieverklaring indien.”

Belangrike punte vir oorweging

’n Veilige omgewing
Die versorging van siek kinders
Genoeg spasie
Goeie ventilasi;
Veilige drinkwater
Higiëne en toiletgeriewe
Stoor van skadelike materiale soos gifstowwe en skoonmaakmiddels
Vullisverwydering
Higiëniese voorbereiding van kos
Skeiding van kinders van verskillende ouderdomsgroepe
Noodaksieplanne
Veiligheidskameras op die terrein.

“Gesondheid- en veiligheidsbeleide en -prosedures moet nie oor die hoof gesien word nie, want jy wil hê jou kleinding moet veilig wees.”

Let op na die volgende:

Verwaarlosing en mishandeling
Brandveiligheid en ontruimingsplanne
Basiese noodhulp vir alle onderwysers en assistente
Af- en oplaai – wie kan die kind by die skool kom haal en hoe om te reël dat iemand anders die kind kom haal?
Boelie en afknouery kom selfs in voorskool voor verseker dat jou kleuterskool ’n teenboeliebeleid het.
Insidentaanmelding – as jou kind seerkry, hoe en by wie word dit aangemeld?
Klagteprosedures
Vroeë intervensieverwysings – as hulle agterkom jou kind is stadig in sekere aspekte, sal hulle jou na ’n spesialis verwys?

Belangrike punte vir oorweging

’n Veilige omgewing
Die versorging van siek kinders
Genoeg spasie
Goeie ventilasi;
Veilige drinkwater
Higiëne en toiletgeriewe
Stoor van skadelike materiale soos gifstowwe en skoonmaakmiddels
Vullisverwydering
Higiëniese voorbereiding van kos
Skeiding van kinders van verskillende ouderdomsgroepe
Noodaksieplanne
Veiligheidskameras op die terrein.

“Gesondheid- en veiligheidsbeleide en -prosedures moet nie oor die hoof gesien word nie, want jy wil hê jou kleinding moet veilig wees.”

Let op na die volgende:

Verwaarlosing en mishandeling
Brandveiligheid en ontruimingsplanne
Basiese noodhulp vir alle onderwysers en assistente
Af- en oplaai – wie kan die kind by die skool kom haal en hoe om te reël dat iemand anders die kind kom haal?
Boelie en afknouery kom selfs in voorskool voor verseker dat jou kleuterskool ’n teenboeliebeleid het.
Insidentaanmelding – as jou kind seerkry, hoe en by wie word dit aangemeld?
Klagteprosedures
Vroeë intervensieverwysings – as hulle agterkom jou kind is stadig in sekere aspekte, sal hulle jou na ’n spesialis verwys?

Written by: goldfmc1

Eduction Free State Department of Education