google-site-verification=445qtB5pleRlxchCy3U13oBntvJ9mMK41bBxukn4IJ8

Welkom

Man van Welkom aangekeer, nadat hy glo stiefdogter verkrag

todayMay 13, 2024 82

Background
share close

’n Man van Thabong verskyn Donderdag (9/5) in die landdroshof in Welkom op die aanklag dat hy sy dogter verkrag het. 

“Die beweerde verkragting het aan die lig gekom nadat die 17-jarige slagoffer en haar ma die maatskaplike dienste Dinsdag (7/5) besoek het,” sê kapt. Stephen Thakeng. Die meisie het glo gevra om alleen met die maatskaplike werker te praat en haar toe vertel wat haar stiefpa na bewering aan haar gedoen het.

‘Haar stiefpa het glo vir haar drank gegee’

Die voorval het sowat ’n maand gelede gebeur terwyl haar ma nie by die huis was nie. Die meisie sê sy het gaan slaap, nadat haar stiefpa glo op 6 April vir haar drank gegee het. Hy het haar toe na bewering ontklee en verkrag.

Die ma en dogter is deur die maatskaplike werker na die Thabong-polisiekantoor verwys om ’n klag van verkragting aanhangig te maak.

In 2019 is ’n pa van Bloemfontein swaar gestraf nadat hy sy eie dogter verkrag en haar ook voor een van haar vriendinne betas het. Die werktuigkundige (36) van ’n woonwapark in Bloemfontein is vir 20 jaar tronk toe gestuur, nadat hy skuldig bevind is op aanklagte van verkragting, aanranding, seksuele aanranding en die blootstelling van ’n minderjarige aan seksuele dade.

Dit het in 2018 begin, nadat sy dogter (toe 14) en seun (12) by hom en sy vrou in die woonwapark kom bly het. Die pa, wie se naam weerhou word om die kinders se identiteit te beskerm, het sy dogter verskeie keer verkrag en seksueel aangerand.

Hy het ook sy kinders gedwing om gereeld drank te misbruik. Die kinders is uit die sorg van die ouers geneem, nadat die dogter ’n vriendin by die skool in haar vertroue geneem het.

OFM Nuus dg/mvh

Written by: goldfmc1

Rate it

Similar posts

Welkom

Welkom police arrest men for possession of Mandrax, other drugs and cash

Members of the Welkom anti-gang unit followed up on information about drugs in Phomolong, Hennenman on Sunday 21 April. They arrested a 38-year-old man for possession of drugs after they found 67 Mandrax tablets, as well as 7 half tablets and 19 quarter tablets. In addition, 20 packets of methamphetamine […]

todayApril 29, 2024 25 4

Post comments (0)

Leave a reply

Your email address will not be published. Required fields are marked *


CONTACTS

ABOUT

GoldFM 104.3 – ‘Your Life,
Your Music’

Complaints

Website By Frank Jonker

0%